நீங்கள் தேடியது "கூடுதல் தண்ணீர் திறப்பு"

கூடலூர்:


தொடர்ந்து நீர்வரத்து அதிகம் இருந்ததால் மதுரை, ராமநாதபுரம், சிவகங்கை பாசனத்துக்கு தண்ணீர் திறந்து விடப்பட்டது. நேற்று 2,050 கனஅடி நீர் திறக்கப்பட்ட தண்ணீர் இன்று 3,490 கனஅடியாக அதிகரிக்கப்பட்டது. அணையின் நீர்மட்டம் இன்று 67.21 அடியாக உள்ளது.

பெரியாறு அணை நீர்மட்டம் 131.70 அடியாக உள்ளது. அணைக்கு 377 கனஅடிநீர் வருகிறது. அணையில் இருந்து 1,867 கன அடிநீர் திறந்து விடப்படுகிறது. சோத்துப்பாறை அணை நீர்மட்டம் 115.29 அடியாக உள்ளது. அணைக்கு தண்ணீர் வரத்து இல்லை. 3 கன அடி நீர் திறந்து விடப்படுகிறது. மஞ்சளாறு அணையின் நீர்மட்டம் 41.65 அடியாக உள்ளது. அணைக்கு தண்ணீர் வரத்தும் இல்லை. திறப்பும் இல்லை.

வைகை அணையில் 8 மி.மீ. மழையும், சோத்துப்பாறை அணையில் 6 மி.மீ. மழையும், மஞ்சளாறு அணை பகுதியில் 45 மி.மீ மழையும் பதிவாகி உள்ளது.

ஸ்ரீமுஷ்ணம்:


தற்போது கர்நாடகாவில் உள்ள அணைகளில் இருந்து காவிரி உபரி நீர் தமிழகத்தின் மேட்டூர் அணைக்கு வந்து கொண்டிருக்கிறது. அந்த தண்ணீர் கல்லணை வழியாக கீழணைக்கு வந்து சேர்ந்தது. பின்னர் வடவாறு வழியாக வீராணம் ஏரிக்கு கடந்த 27-ந் தேதி முதல் தண்ணீர் அனுப்பி வைக்கப்பட்டது.

நேற்று வீராணம் ஏரிக்கு 750 கனஅடி தண்ணீர் வந்தது. இன்று 1524 கனஅடி தண்ணீர் வந்து கொண்டிருக்கிறது. இது நேற்றைய விட 774 கனஅடி அதிகமாகும். ஏரியின் நீர்மட்டம் நேற்று 45.50 அடியாக இருந்தது. இன்றும் ஏரியின் நீர்மட்டம் அதே அளவான 45.50 அடியாக உள்ளது.

தற்போது வீராணம் ஏரி நிரம்பி கடல் போல் காட்சி அளிக்கிறது காவிரி நீர்பிடிப்பு பகுதிகளில் மழை பெய்ய வாய்ப்பு உள்ளது என்று வானிலை ஆய்வு மையம் தெரிவித்தது. இதனால் மழையால் நீர்வரத்து மேலும் அதிகரிக்கும். இதையொட்டி பாதுகாப்பு கருதி வீராணம் ஏரியின் நீர்மட்டம் நேற்று 45.50 அடியாக குறைக்கப்பட்டது. இன்றும் அதேபோல் தொடர்ந்து 45.50 அடியாகவே வைக்கப்பட்டுள்ளது சென்னைக்கு 74 கனஅடி தண்ணீர் திறப்பு

வீராணம் ஏரியில் இருந்து சென்னைக்கு வினாடிக்கு நேற்று 74 கனஅடி தண்ணீர் திறந்து விடப்பட்டது. இன்றும் அதே அளவு 74 கனஅடி தண்ணீர் அனுப்பப்பட்டது.

வீராணம் ஏரியில் இருந்து விவசாய பாசனத்துக்கு தற்போது தண்ணீர் திறந்து விடப்படவில்லை. இதனால் தண்ணீரை சேமிக்கும் வகையில் வீராணம் ஏரியில் இருந்து வி.என்.எஸ். மதகு வழியாக உபரிநீர் சேத்தியாதோப்பு அணைக்கட்டுக்கு நேற்று 676 கன அடி தண்ணீர் அனுப்பப்பட்டது. இன்று ஏரிக்கு நீர்வரத்து அதிகரித்து இருப்பதால் சேத்தியாதோப்பு அணைகட்டுக்கு இன்று 1100 கன அடி தண்ணீர் அனுப்பப்பட்டது. இது நேற்றைய விட 424 கன அடி அதிகமாகும்.

பின்னர் அந்த தண்ணீர் வெள்ளை ராஜன் வாய்க்கால் வழியாக வாலாஜா ஏரிக்கும், அங்கிருந்து பெருமாள் ஏரிக்கும் தண்ணீர் திறந்து விடப்பட்டது. #Veeranamlake

கூடலூர்:

கேரளாவில் பெய்து வரும் கன மழை காரணமாக முல்லைப் பெரியாறு அணையின் நீர் மட்டம் 3-வது முறையாக நேற்று 142 அடியை எட்டியது. அணைக்கு தொடர்ந்து நீர் வரத்து அதிகரித்துள்ளதால் இன்று காலை அணையின் நீர் மட்டம் 142.20 அடியாக உள்ளது. வினாடிக்கு 25,733 கன அடி தண்ணீர் வருகிறது. அணையில் இருந்து 2,336 கன அடி தண்ணீர் வெளியேற்றப்பப்டது. நீர் இருப்பு 7,720 மில்லியன் கன அடியாக உள்ளது.

முல்லைப் பெரியாறு அணையின் நீர் மட்டம் 142 அடியை எட்டி தொடர்ந்து நீர் வரத்து அதிகரித்து இருப்பதால் தமிழக பகுதிக்கு கூடுதல தண்ணீர் திறக்க வேண்டும் என கேரள முதல் மந்திரி பினராயி விஜயன் தமிழக அரசுக்கு இன்று கோரிக்கை விடுத்துள்ளனர்.

மேலும் அணையின நீர் மட்டத்தை 139 அடியிலேயே வைத்துக் கொள்ளவும் வேண்டுகோள் விடுத்துள்ளார். தற்போது பெரியாறு அணையில் இருந்து வெளியேறும் தண்ணீர் இடுக்கி அணையில் கலக்கிறது. இடுக்கி அணை ஏற்கனவே நிரம்பி 26 ஆண்டுகளுக்கு பிறகு அந்த அணையில் இருந்து 5 மதகுகள் வழியாக தண்ணீர் திறக்கப்பட்டுள்ளது. இதனால் இடுக்கி மாவட்டத்தின் பெரும் பாலான பகுதிகள் தண்ணீரில் மிதந்து வருகின்றன. தொடர்ந்து பெரியாறு அணையில் இருந்து வெளியேறும் தண்ணீரும் இடுக்கி அணைல் கலப்பதால் அம்மாவட்டத்துக்கு பாதிப்பு அதிகரிக்கும் என்பதை கருத்தில் கொண்டு இதனை பரிசீலனை செய்யுமாறு தமிழக அரசுக்கு கோரிக்கை விடப்பட்டுள்ளது.

முல்லைப் பெரியாறு அணையில் இருந்து கூடுதல் தண்ணீர் திறக்கப்பட்டு வைகை அணையில் தேக்கி வைக்க அதிகாரிகள் முயற்சி எடுத்து வருகின்றனர். 71 அடி உயரமுள்ள வைகை அணையில் தற்போது 63.75 அடி தண்ணீர் உள்ளது. அணைக்கு 3,666 கன அடி வீதம் தண்ணீர் வருகிறது. அணையில் இருந்து மதுரை மாநகர குடிநீருக்கு மட்டும் 60 கன அடி தண்ணீர் திறக்கப்படுகிறது.

பெரியாறு அணையில் இருந்து கூடுதல் தண்ணீர் திறக்கப்பட்டு வைகை அணை நீர் மட்டத்தை உயர்த்தினால் திண்டுக்கல், மதுரை, சிவகங்கை, ராமநாதபுரம் உள்ளிட்ட 5 மாவட்ட பாசன பகுதிகள் பயன்பெறும். எனவே வைகை அணைக்கு கூடுதல் தண்ணீர் திறக்க அதிகாரிகள் நடவடிக்கை எடுத்து வருகின்றனர்.

இதனால் வைகை அணையும் ஓரிரு நாளில் நிரம்பு என எதிர்பார்க்கப்படுகிறது. நேற்று ஒரே நாளில் பெரியாறு அணையில் 12 செ.மீ மழையும் தேக்கடியில் 11 செ.மீ மழையும் பதிவாகியுள்ளது. வைகை அணையின் நீர் பிடிப்பு பகுதியாக வரு‌ஷநாடு, மூல வைகை ஆறு ஆகிய பகுதிகளிலும் மழை பெய்து வருவதால் அணைக்கு தொடர்ந்து நீர் வரத்து அதிகரித்துள்ளது.